ദേവലോകം കാതോലിക്കേറ്റ് അരമന ചാപ്പലില്‍ കബറടങ്ങിയിരിക്കുന്ന പരിശുദ്ധ ബസേലിയോസ് ഔഗേന്‍ പ്രഥമന്‍ കാതോലിക്കാ ബാവായുടെ 43-ാമത് ഓര്‍മ്മപ്പെരുന്നാള്‍ ഡിസംബര്‍ 7,8 തീയതികളില്‍ ദേവലോകം അരമന ചാപ്പലില്‍ ആചരിക്കും. 7-ാം തീയതി വെളളിയാഴ്ച്ച വൈകിട്ട് 6 മണിക്ക് സന്ധ്യാനമസ്‌ക്കാരവും തുടര്‍ന്ന് കൊല്ലാട് സെന്റ് പോള്‍സ് പളളിയില്‍ നിന്നുളള പദയാത്രികര്‍ക്കും, കണ്ടനാട് ഭദ്രാസനത്തില്‍ നിന്നും, വിവിധ ദേവാലയങ്ങളില്‍ നിന്നും എത്തുന്ന തീര്‍ത്ഥാടകര്‍ക്കും സ്വീകരണം നല്‍കും. ഫാ. സി.എം കുറിയാക്കോസ് അനുസ്മരണ പ്രസംഗം നടത്തും. തുടര്‍ന്ന് പ്രദക്ഷിണവും ധൂപപ്രാര്‍ത്ഥനയും. 8-ാം തീയതി (ശനി) രാവിലെ 6.30 മണിക്ക് പ്രഭാത നമസ്‌ക്കാരവും 7.30-ന് പരിശുദ്ധ ബസേലിയോസ് മാര്‍ത്തോമ്മാ പൗലോസ് ദ്വിതീയന്‍ കാതോലിക്കാ ബാവായുടെ മുഖ്യകാര്‍മ്മികത്വത്തില്‍ വിശുദ്ധ മൂന്നിന്മേല്‍ കുര്‍ബ്ബാനയും, പ്രദക്ഷിണവും, കബറിങ്കല്‍ ധൂപപ്രാര്‍ത്ഥനയും നേര്‍ച്ചവിളമ്പും ഉണ്ടായിരിക്കുന്നതാണെന്ന് അരമന മാനേജര്‍ ഫാ. എം.കെ. കുര്യന്‍ അറിയിച്ചു.
You might also like:
-
സ്‌നേഹഭവനം താക്കോല്‍ കൈമാറി.
-
സഫേണ്‍ സെന്റ് മേരീസ് ഇടവക 20-ാം വാര്‍ഷികാഘോഷ പരിപാടികള്‍ക്കു തുടക്കം കുറിച്ചു
-
നോര്ത്ത് ഈസ്റ്റ് അമേരിക്കന് ഭദ്രാസനത്തില്‍ നിന്നുള്ള കാതോലിക്കാ ദിന വിഹിതം പരിശുദ്ധ കാതോലിക്കാ ബാവ ഏറ്റുവാങ്ങി
-
ഹോളി ട്രാന്‍സ്ഫിഗറേഷന് സെന്റര്‍ അന്താരാഷ്ട്ര നിലവാരത്തിലേക്ക്: പരി. കാതോലിക്കാ ബാവ